Ju ka zënë paniku për shfaqjen e rrudhave? Ja momenti kur duhet të nisni përdorimin e botox

Nëse ju ka filluar paniku i shfaqjes së rrudhave dhe doni të dini kur është mosha e duhur për të filluar botoksin, merrni mendimin e ekspertëve ndërkombëtarë.

Botoksi është proteinë natyrore, e cila me një teknologji speciale në formë ampulare, mund të injektohet në doza minimale në muskujt e fytyrës duke penguar formimin e rrudhave në fytyrë.

Kur është mosha e duhur për të filluar botoksin? Mos është shumë herët për të filluar?  Mendimi i parë për të shpenzuar paratë për këtë gjë, disa vajzave u vjen që pas të 25-ave, sipas statistikave, atëherë kur fillojnë të duken edhe shenjat e para, por ҫfarë thotë Valerie Goldburt.

Nëse po kërkon për një shenjë në fytyrë për të kuptuar kur është “nevoja” për botoksin, Dr. Goldburt thotë nëse “ke rrudha që nuk zhduken kur relakson fytyrën (pra kur fytyra është në gjendje qetësie)”. Në fund, është gjithsesi zgjedhja jote.

Dr. Goldburt nuk mendon se se është e nevojshme të ndërhysh sapo të shfaqen shenjat e para. Kjo edhe për arsyen se botoksi mund të funksionojë në një moment kur vërtet mund ta ndiesh si domosdoshmëri.

Megjithatë, mos harro se të gjitha ato që presin shumë për të bërë një botoks, mund ta kenë më të vështirë më vonë dhe u duhen disa injeksione dhe trajtime ekstra për të hekurosur rrudhat.

Fatkeqësisht, botoksi nuk ka alternativa të tjera. Sipas Dr. Goldburt, është e vetmja mënyrë për të zhdukur rrudhat specifike në fytyrë.

Gjithsesi, për t’i parandaluar rrudhat, Dr. Goldburt sugjeron gjumin me shpinë, përdorimin e një hidratanti të mirë dhe gjithmonë një krem mbrojtës me SPF të lartë gjatë ditës.

Një sekret tjetër është hidratimi. Këto ndryshime të vogla do ta mbajnë lëkurën më të re, aq sa nuk do të kesh nevojë të nisësh botoksin qysh në të 20-at.