Do të guxonit t'i vishnit rrugëve të Shqipërisë? Këto çizme janë trendi i momentit

Ato janë të mëdha, të kuqe dhe tashmë janë kudo! Çizmet e kuqe të MSCHF, të cilat duken sikur kanë dalë nga ndonjë film vizatimor, tanimë kanë pushtuar rrjetet sociale dhe jo vetëm. Përfaqësuesit e markës së njohur amerikane kanë treguar se gërshetimi i vazhdueshëm i estetikës së jetës virtuale dhe asaj reale i ka bërë të ndjekin stimuj jo fort koncenvionalë dhe çizmet janë pikërisht produkt e këtij mentaliteti. Kujtojmë se ky trend u përhap shumë gjatë pas periudhës së pandemisë, ku shumë stilistë me emër nisën të luanin sërish me veshjet duke përqafuar anën më argëtuese dhe lozonjare të modës.

“Karikaturizimi tashmë është kthyer në diçka që na çliron nga kufizimet e realitetit që njohim. Këto këpucë supozohet t’ju bëjnë të ndiheni si një super-hero.”-u shprehën ata. Ky koncept është parë nga përdoruesit e medieve sociale si mjaft interesant, por ka pasur shumë nga ata që mendojnë se çizmet duken qesharake.

Çizmet në pamje të parë duken unike, por le të lëmë pak mënjanë superfuqitë. A nuk ju duket mbresëlënëse sesi njerëzit mund të ecin me to, duke qenë se nuk duken aspak praktike? Oh, e përmendëm se çmimi i tyre është 350 dollarë? Të mos harrojmë se këto çizme po bëhen akoma dhe më popullore duke qenë se po vishen nga njerëz të famshëm të Hollywood-it. Ndër ta mund të përmendim Ciara-n, Lil Nas X, Iggy Azalea, Janelle Monáe, Diplo etj.

çizme tendencat e fundit te modes trend

big red boots 9dae21f5384948d6945d59ba275692e1

ciara boots tout 4c27044ce9aa4459935e061a8c66ab46