Në shtëpinë e Lei Kraja, moderatorja shkodrane zbulon se çfarë e mban gjithmonë me këmbë në tokë

Në ndryshim nga personazhet e deritanishme të rubrikës "Në çantën time", Lei Kraja jo vetëm që na zbuloi se ç'mban gjithmonë me vete, por na hapi edhe dyert e shtëpisë, oazin e saj të paqes ku asnjë kamera nuk kishte depërtuar më parë. Për të intimiteti është i shenjtë dhe s'është mësuar që të ketë miq, por bëri një përjashtim të vogël për Living që siç edhe e pohon, e konsideron si ogur mbarësie.

Moderatorja simpatike shkodrane është fanse e çantave të mëdha dhe ka një arsye për këtë: mund të fusë ç'të dojë, madje sa më shumë, aq më mirë. Lei dhe telefoni janë një dyshe e pandashme. E merr kudo, madje edhe kur bën dush.Pas telefonit, portofoli dhe çelësat e makinës janë po ashtu "MUST" për të dhe nuk del kurrë nga shtëpia pa i marrë me vete.

Lei ka treguar edhe më parë që është natyrë spirituale dhe shumë e lidhur pas astrologjisë ndaj nuk e koncepton që të lëvizë diku pa kristalet e saj. Si një Gaforre "qaramane", e di mjaft mirë që i duhet një prekje magjike për t'i sjellë lumturi dhe balancë në jetë, me pak fjalë diçka që e mban me këmbë në tokë .

Është aq e bukur sa nuk ka nevojë për shumë gjëra make up-i me vete, por parfumin nuk e ndan nga vetja. Të tjerat zbulojini më poshtë.

ne canten time lei kraja living