"Vishe" shtëpinë me stil, këtë markë të njohur italiane tani e gjeni dhe në Shqipëri

Nëse jeni gati të ndryshoni stilin tuaj të jetës e t'i jepni një pamje më të freskët e më natyrale ambienteve tuaja, tashmë një emër i njohur ka mbërritur në qendrën Europian Trade Center ( ETC ) në mes të Tiranës.  "Society Limonta" është marka italiane e orendive shtëpiake, e cila bëri revolucion në dizajn dhe materialet e pëlhurave që përzgjedh.

E krijuar në vitin 2000 ajo është pjesë e " Limonta Group", një kompani historike tekstili me bazë në Costa Masnaga (në Italinë Veriore) dhe e themeluar në fund të shekullit të 19-të. Kjo markë është ende një pikë referimi për inovacionin e tekstileve në sektorët e veshjeve dhe arredimit. Çdo gjë e prodhuar në vendin fqinj duke sjellë një dimension të ri jo vetëm në stilin e shtëpive tuaja, por edhe atë të jetesës.

Kombinime të pafundme materialesh dhe ngjyrash për dhomën e gjumit, tavolinën e ngrënies dhe zonën e tualetit. Ashtu si në botën e modës, koleksionet janë të përditësuara me ndryshimin e stinëve, sepse shtëpia është një zgjatim i personalitetit tuaj dhe kërkon një stil të gjithanshëm. Sezoni i pranverës do të ofroj ngjyra të ngrohta, siç është ajo e Magent-ës e aprovuar si ngjyra e vitit 2023.Luksi  për kompaninë Limonta është diçka thelbësorë dhe ka të bëjë me krijimin e një produkti që transmeton cilësi dhe emocione, ndaj jepni jetë shtëpisë suaj me koleksionet e shumta që ofron kjo kompani.