Showbiz 6 Tetor 2022

E dashura e re e Piqué ka ankesa, kërkon që ai ta trajtojë si Shakirën

Showbiz

Edhe pse kanë vetëm pak kohë që janë bashkë si çift, mes Piqué dhe të dashurës së tij të re, Clara Chia Marti kanë nisur debatet.  Dyshja janë parë në udhëtime të ndryshme romantike, të ndjekur nga paparacët dhe kjo ka shkaktuar një debat të fortë mes të dyve. Clara së fundmi ka akuzuar yllin e Barcelonës se nuk e ka mbrojtur nga paparacët siç bënte me Shakirën.

Pique dhe Clara kanë qenë së fundmi në Paris e Barcelonë, ku dukeshin të lumtur dhe të buzëqeshur, të kapur për dore. Pak ditë më parë ata janë parë edhe në aeroport, kur kanë mbërritur në kryeqytetin katalanas nga udhëtimi i tyre në Francë. Pas kthimit të tyre në Barcelonë, e reja është ankuar te Pique për sjelljen e tij, raportojnë mediat e huaja.

Rikujtojmë se së fundmi një gjykatës spanjoll ka paralajmëruar yllin e popit Shakira se duhet të dalë në gjyq për një mashtrim tatimor të dyshuar prej 14.5 milionë eurosh. 45-vjeçarja, u paralajmërua për herë të parë në korrik se mund të dënohej deri në 8 vjet pasi u akuzua për gjashtë akuza për mashtrim tatimor.

Por doli se një gjykatës në një gjykatë hetuese pranë Barcelonës ka urdhëruar zyrtarisht këngëtaren që të dalë në gjyq, në një vendim që mbyll hetimin e tij të gjatë penal dhe do të shohë yllin kolumbian të marrë qëndrimin e saj në Gjykata.

 

ARTIKUJ TE NGJASHEM

  • Javor
  • Mujor
  • Vjetor