Kujdesi per trupin 4 Tetor 2022

Nga ndërhyrjet estetike, kjo është më e rrezikshmja

Kujdesi per trupin

Shtimi i pacientëve që kërkojnë heqjen e të pasmeve braziliane në klinikat e ndërhyrjeve estetike, ka bërë që t’i kushtohet më shumë rëndësi rreziqeve që sjell kjo procedurë.

Sipas Bloomberg, por edhe burimeve të tjera mjekësore, “(brazilian) butt lift”, ngritja dhe/ose zmadhimi i të pasmeve, është ndërhyrja që mbart më shumë rreziqe. Studimet kanë gjetur së shkalla e vdekshmërisë për injeksionet e dhjamit në vithe ishte midis 1:2350 dhe 1:6241 raste – deri në 20 herë më e lartë se për procedurat e tjera kozmetike.

Injeksionet e dhjamit në vithe janë padyshim më të rrezikshme sesa mund të mendohet. Nëse kryhet gabimisht, dhjami mund të hyjë në qarkullimin e gjakut dhe të vendoset në mushkëri ose tru, shkruan Plastic Surgeon NY.

Ka shumë mjekë ose profesionistë të fushës së estetikës që nuk janë mjekë, që kanë vendosur ta shtojnë këtë procedurë në praktikën e tyre, ndoshta me pak ose aspak trajnim formal në teknikat e duhura.

Në një raport në CNN për rreziqet e rritjes së të pasmeve, thuhej:

“Shumica e këtyre vdekjeve duket se janë shkaktuar nga praktikues të papërshtatshëm të kualifikuar që punojnë në objekte të pamiratuara, duke përfshirë shtëpitë dhe garazhet”, citon Anabel.

Kirurgët sugjerojnë pacientët për një përmirësim të moderuar dhe të pasme më të formësuara, pa rezultate të ekzagjëruara. Këto procedura duhet të kryhen nga mjekë të certifikuar, që njohin anatominë e trupit dhe përdorin produktet e duhura.

Si me çdo ndërhyrje tjetër, edhe këtu, më e rëndësishmja është të bëni kërkimet e duhura dhe të zgjidhni mjekët më të kualifikuar! 

 

ARTIKUJ TE NGJASHEM

  • Javor
  • Mujor
  • Vjetor