Femijet 18 Nëntor 2021

Baballarët e rinj përkundrejt traditës sonë ku burrat nuk bëjnë asgjë për mirëmbajtjen e vetes

Femijet

Nga Lira Gjika/Baballarët e sotëm gjithmonë e më shumë po marrin e po bëhen pjesë e rritjes së fëmijëve, të barabartë me nënat. Ky hap është shumë emancipues për mashkullin, nuk e lë më atë jasht familjes, krijon hapsira per barazine gjinore dhe më kryesorja, shmang varësinë e tyre nga femra. Shamng varësinë nga nëna, gruaja, apo siç është në mitet tona, nga motra. (miti i Gjergj Elez Alisë). Në traditën tonë burri nuk bën asgjë për mirëmbajtjen e vet, që nga ushqyerja e deri te veshja, të gjitha i ka të gatshme të pregatitura nga nëna gruaja apo motra. Kur eci rrugës dhe shoh baballarë që merren seriozisht me fëmijët e tyre, që u mbajne çantat e shkollës, që ulen në gjunjë, kur flasin me fëmijët, që i drejtohen gruas: “rri ti se merrem unë me vajzën apo djalin”, me shume dashuri dhe pa asnje lloj bezdije, mendoj se edhe te ne ka ndodhur ajo “gjëja” e mirë, që haset në vendet e zhvilluara, ku ndarja e punës nëpërmjet gjinisë, gjithnjë e më shumë po zbehet. Grupi i baballarëve të rinj në Shqipëri, që sebashku me nënat, perpiqen ti rritin fëmijet në rradhë të parë si njereëz të lirë e të mirë edhe, pse ende nuk mbizoteron, rritet përditë. Ata me sjelljen e tyre ndaj fëmijës, gruas dhe mjedisit, po bëjnë të njëjtën gjë, si çdo baba në vendet e zhvilluara. Ata i dihmojne femijet e tyre, te behen sa me njerëzorë e të zot, që kur të përballen në jetë si të rritur, të jenë sa më të sigurt te vetja, pa komplekse inferioriteti , pa paragjykime dhe si baballarët e tyre, të jetojnë jetën me kurajo e energji për të mirën.

ARTIKUJ TE NGJASHEM

  • Javor
  • Mujor
  • Vjetor