Aktualitet 7 Prill 2021

‘Nuk jemi aty ku duhet’, Komiteti i Ekspertëve përsëri nuk lëshon pe për rregullat

Aktualitet

Komiteti Teknik i ekspertëve ka vendosur të mos ndryshojë masat e COVID-19 në vend.

Zëvendësministrja e Shëndetësisë Mira Rakacolli deklaroi në mbledhje se ka një përmirësim të situatës por nuk jemi aty ku duhet. Ky përmirësim sipas saj tregon se masat kanë  qenë efikase, por do të mbeten të njëjta deri në javën e ardhshme kur do të gjykohen sërish nga komiteti në varësi të situatës.

Masat janë:

-Ndalimi i qarkullimit të lëvizjes për qytetarët nga ora 20:00 e mbrëmjes - 6:00 të mëngjesit, me përjashtim të emergjencave shëndetësore dhe për arsye pune (në këtë rast është e domosdoshme leja nëpërmjet aplikimit tek e-Albania) për një afat 14 ditor, duke filluar nga dita e enjte, datë 7 prill për dy javë.

- Ndalimi i aktiviteteve të bareve, restoranteve, klubeve, nga ora 20:00 e mbrëmjes - 06:00 të mëngjesit (me përjashtim të shërbimit delivery), duke filluar nga sot për dy javë.

- Nisur nga rritja e rasteve të infektimeve të reja në grupmoshën 15-24 vjeç, shkollat e mesme do të aplikojnë skenarin e tretë, pra atë online ne zonat e riskut të lartë, ku përfshihen bashkitë: Tiranë, Fier, Vlorë, Berat, Durrës, Gjirokastër, Lezhë, Lushnje, Pogradec dhe Kamëz, për dy javë.

- Universitetet do vijojnë Online.

-Fluturimet me Britaninë të pezulluara.

Kryetarja e Komitetit Teknik të Ekspertëve, Mira Rakacolli, njëherësh zëvendësministre e Shëndetësisë, iu bëri thirrje partive politike që të respektojnë masat anti-covid gjatë fushatës elektorale.

Nga mbledhja e komitetit, Rakacolli theksoi se janë evidentuar grumbullime jashtë kritereve të përcaktuara, nga subjekte politike, ndërsa theksoi se duhet të tregojnë kujdes.

 

 

ARTIKUJ TE NGJASHEM

  • Javor
  • Mujor
  • Vjetor