Dekorime 11 Janar 2021

Boll me klishetë, dalim pak jashtë kornizave me arkitekten Brixhina Murtaj

Dekorime

Brixhina dëshiron të dizenjojë në bazë të personlitetit, funksionit dhe dëshirave të klientit dhe pastaj ti vendosi filtrin e saj unik.

“Gjithmonë kam dashur të krijoj. Pavarësisht nëse është krijimi i një projekti artistik apo thjeshtë një arredim, sidoqoftë unë kam qenë gjithmonë e apasionuar pas krijimit. Rëndësi të vecantë ka krijimi i një Gjendje Shpirtërore (mood) në momentin e parë që sapo hyn në një hapësirë. Dizenjimi i një interieri për mua është një mënyrë ku mund të ndjek pasionin që unë kam për artin, mobilimin, shijet dekoruese, format, patternsat etj.” shprehet ajo.

Kush tha, të projektosh një shtëpi të bukur duhet të harxhojmë shumë para, ndonjëherë nëqoftëse fut kreativitet, passion, ngjyra dhe stil produkti do të dalë superrr!

Sendet, dekoret, nuk është e nevojshme të jenë të shtenjta të duken speciale dhe bukur,” thotë Brixhina. Në disa arredime kemi përdorur dekor vintage të porositura online, shpeshherë me cmime të ulëta “ Nuk është e gjitha te luksozja, por një prekje gjithë fantazi e hapësirës.”

Disa parashikime dhe këshilla për vitin 2021:

·         Dizenjo për veten tënde!

Ngjyra te guximshme dhe sende, dekor magjik nuk janë për këdo, por fundja a nuk jemi unik?

Nëqoftë se e shihni veten duke u ndjerë nervoz se cfarë do të thonë miqtë, Brixhina ju këshillon: “Kujt I intereson?!”. Ajo beson se është e rëndësishme të dizenjosh shtëpinë tënde për veten tënde, ta mbushësh me copëzat që ty të mbushin me gëzim, TY dhe jo dikë tjetër që nuk jeton aty.

·         Lumturi

Të gjithë e dimë që në vitin 2020 nuk kemi gëzuar dhe festuar aq shumë, prandaj këtë vit jemi gati për dizenjime që bërtasin: gëzooo! Kjo arrihet nëpërmjet ideve të reja e të freskëta, ngjya dhe tekstura të guximshme, materiale dhe trende të reja.

·         Mikso te re-në me të vjetrën

Hape mendjen mos ndiq rregullat ndje shkëlqimin.

·         Fluiditet

E lidhur dhe me atë që thamë më sipër, më shumë forma organike, fluide, jetë. Të gjithë e pëlqejnë Barcelonën, e bashkë me të dhe arkitektin Antoni Gaudi, i cili është shembulli më i mirë I kësaj arkitekture.

·         Kuzhinë e Guximshme

Trendi i Kuzhinave klasike të bardha është duke u larguar dhe po mirëpresim një ngjyrë trend të re: E ZEZË. Kjo zgjidhje e guximshme ngjyre bëhet për të krijuar një dallim midis kuzhinës dhe zonës së ndjenes  në një hapësirë të hapur pa pasur nevojë për ndarje fizike, mjafton ajo vizuale.

·         Personalizimi ose Self- Expression

Kjo arrihet në shumë mënyra: një pikture, libër, dekor dhe patjeter me foto qofshin apo jo personale.

Për më shumë punime mund të ndiqni në Instagram dhe facebook : @tirana_architect_artist

 

ARTIKUJ TE NGJASHEM

  • Javor
  • Mujor
  • Vjetor