Pjata kryesore 3 Nëntor 2020

Receta franceze e një pice ndryshe nga Linda Fishta

Pjata kryesore

KOHA E PËRGATITJES - 20 minuta

KOHA E PJEKJES - 10/15 minuta

PUSHIMI I BRUMIT – 1 orë

 

PËRBËRËSIT PËR BRUMIN - për 1 picë

250 g miell

1/2 lugë e vogël kripë

150 ml ujë i vakët

50 ml vaj ulliri

 

NA DUHEN GJITHASHTU:

2 qepë të bardha të mëdha

120 g pançetë e tymosur

20 g gjalpë

100 g djathë i bardhë kremoz -

Philadelphia ose diçka e ngjashme

100 ml pana

arrë moskat, kripë e piper

2 lugë vaj ulliri

 

PËRGATITJA:

1. Përgatitim brumin në një tas ose në robot. Përziejmë miellin, kripën, vajin dhe ujin. E punojmë për pak minuta derisa të bëhet elastik dhe më pas e lëmë të pushojë për 1 orë në një tas të mbuluar me plastmasë kuzhine, në temperature ambienti.

2. Ndezim furrën në temperaturën 270° C.

3. Presim qepët e qëruara në rrota shumë të holla dhe në një tigan në flakë të ulët, i skuqim me gjalpë derisa të zbuten, por jo të marrin ngjyrë. Heqim qepën dhe skuqim pançetën për 3-4 minuta.

4. Në një tas, përziejmë djathin me panën, e rregullojmë me kripë, piper dhe arrë moskat.

5. Mbi letrën e furrës, me petës e miell hapim brumin me trashësi 2 mm. E vëmë në tavë bashkë me letrën dhe e lyejmë me kremin e panës me djathë. Më pas, shpërndajmë sipër qepët dhe pançetën dhe e spërkatim të gjithën me 2 lugë vaj ulliri. E pjekim për rreth 10 minuta ose derisa të shohim që ka marrë ngjyrë lartë e poshtë.

ARTIKUJ TE NGJASHEM

  • Javor
  • Mujor
  • Vjetor