Ëmbëlsira 4 Gusht 2020

Cheesecake me luleshtrydhe për dy minuta

Ëmbëlsira

Cheesecake është ëmbëlsira perfekte për ditët e nxehta. Përveçse ka shije të freskët, është e thjeshtë për t’u gatuar dhe nuk kërkon të qëndroni para sobës.

Përbërësit:

300 g biskota me kakao

150 g gjalpë

250 g krem maskarpone

200 g krem djathi

80 g qumësht i kondensuar

200 g luleshtrydhe

Gjethe mente

Limon

Në blender bluajmë biskotat derisa të bëhen pluhur, i vendosim në tas shtojmë gjalpin e butë dhe e punojmë me duar derisa të bëhet një masë. E shtrojmë në tavë dhe e shtypim derisa të bëhet e gjithë sipërfaqja e njëtrajtshme. Rrahim në tas kremin e maskarpones, qumështin e kondensuar, kremin e djathit dhe lëngun e limonit. E vendosim kremin mbi biskota dhe e lëmë të pushojë 5-6 orë. Para se ta shërbejmë e zbukurojmë me luleshtrydhe, degë mente dhe lëkurë limoni.

 

ARTIKUJ TE NGJASHEM

  • Javor
  • Mujor
  • Vjetor