Ëmbëlsira 3 Korrik 2020

Kek me kajsi dhe xhenxhefil të freskët pa yndyrë

Ëmbëlsira

Nga Linda Fishta

Përbërësit për tavë me diametër 24 cm:

500 g kajsi te? pjekura mirë ose pjeshka

300 g miell

180 g sheqer kaf ose të bardhë

1 bustinë sodë për ëmbëlsira (16 g)

2 vezë

170 g kos i bardhë, i trashë

2 cm xhenxhefil i freskët, i grirë imët me rende

Përgatitja: Ndezim furrën në 180°C. Në një tas përziejmë miellin dhe sodën, të cilat i hedhim me sitë. Në një tës tjetër rrahim vezët me sheqerin me rrahësen elektrike ose me telin e vezëve sa të trefishojnë vëllimin. Shtojmë kosin dhe i përziejmë akoma për 1 minutë. Hedhim miellin dhe i përziejmë me lugë druri derisa të përftojmë një brumë homogjen. Shtojmë kajsitë e prera në copa të vogla dhe xhenxhefilin. Hedhim brumin në tavën e lyer më parë me gjalpë e miell. E pjekim për 45/50 minuta afërsisht. Kur të ketë marrë ngjyrë në sipërfaqe e mbulojmë me letër alumini që të mos digjet.

ARTIKUJ TE NGJASHEM

  • Javor
  • Mujor
  • Vjetor