5 mënyrat e përdorimit të produkteve të grimit që nuk i keni menduar më parë!

Nëse ka diçka që kam mësuar këto vite si beauty vlogger, është se ka pothuajse gjithmonë më shume se një mënyrë për të përdorur nje produkt makeup-i. Sigurisht , ka disa përjashtime , por shumica e produkteve të makeup-it mund të përdoret për të pakten dy qëllime! Në vitet e fundit shumë kompani bukurie kanë filluar të prodhojnë produkte multifunksionale të cilat me shumë mundësi mund t’i zotëroni pa e kuptuar.

1. Nuk do keni më të njëjtin mendim për Balm-in e buzëve !
Me siguri zoteroni nje tub balmi buzesh i cili ndodhet aty në fund të çantës . A e dinit se mund ta perdorni jo vetem për buzët ? Për t’i dhënë fytyrës një shkëlqim të shëndetshëm , mund të aplikoni me gisht shumë pak nga balmi I buzëve tuaja në kocken e mollëzave . Do të krijojë të njëjtin efekt si ndriçuesi ! Mund të aplikoni me gisht dhe pak balm ne kapakun e syrit tuaj për të realizuar look-un më të famshëm të momentit “ Glossy Eyelids”

2. Dyshja “ Buze + Mollëza”
Kjo dyshe është shumë e famshme dhe është një truk të cilin e përdor disa herë gjatë javës. Ka shume produkte ne treg te cilat jane prodhuar pikerisht per kete arsye . Përdorni gishtin e unazës për të aplikuar buzekuqin tuaj ( likuid ose krem ) në majat e mollëzave. Aplikimi me gishtin e unazës bën që të mos ushtroni shumë presion në mollëza, për të krijuar një efekt natyral. Këtë truk mund ta realizoni gjithashtu duke përdorur produktet për qëllimet e kundërta, pra , blushin tuaj pudër , mund ta miksoni me pak balm buzesh dhe ta aplikoni si buzëkuq.

3. Nga fytyra ne sy .
Vë bast se këtë truk e keni përdorur të gjithë, por është aq fantastik sa nuk mund të rrija pa e përmendur !
Mendoni se nuk mund të krijoni dot nje look të denjë pa highlighter , bronzer apo blush ? MENDOJENI PRAPE !
Te gjitha këto produkte mund t’i gjeni të përshtatura në tone sysh, mjafton të gjeni ngjyrat tuaja perfekte ( artikulli i së hënës do t’ju ndihmoje ) Sigurisht dhe në këtë truk mund të përdorni të kundërtat ! Nje highlighter do të qëndronte në mënyrë perfekte si një ton sysh.

4. Çdo gjë për vetullat !
Eyelineri mund të jetë gjëja e fundit që mund të keni menduar për vetullat, por në ditët kur duhet të nxitoni , funksionon ! Provojeni me një furçe felt tip ose me pomade ( sigurisht duke iu përshtatur ngjyrës së vetullave tuaja ). Thjesht, mos e teproni!

5.Mat
Jam nje fanse shumë e madhe e pudrave transparente , por e dinit se mund ta përdorni për të bërë mat buzekuqin tuaj? Aplikojeni me një furçë ose me gisht pasi të keni aplikuar buzekuqin tuaj dhe ja tek e keni, një buzekuq i ri mat ! Për ta mbyllur, mënyra më gjeniale për të përdorur pudren tuaj transparente është si shampo e thatë ! Përthith vajrat e tepërt të lëkurës tuaj, siç vepron në fytyrë .
Lexohemi te henen ! Për Living Sara Karaj !