Meshkujt do të vishen me ngjyra këtë verë

Meshkujt kanë disi frikë të guxojnë me ngjyrat, por për këtë sezon vere do të duhet të ndryshojnë mendim dhe të dalin nga rutina e tyre.

Për sezonin pranverë-verë 2013, është larmia e ngjyrave, që dominon gardërobën, jo vetëm tek femrat, por edhe tek meshkujt.
Rrobat e burrave, në stil tradicional apo formal, do të pushtohen nga ngjyrat blu, bezhë, e kuqe apo e verdhë. Synimi i shtëpive të modës këtë vit është depërtimi i ngjyrave edhe tek meshkujt. Kështu, Gucci për këtë sezon sugjeron jeshilen, të kuqen, të verdhën dhe portokallinë, për meshkujt që vishen në stil klasik.
Ndërsa Burberry, këtë verë u propozon djemve dhe burrave kombinime të lejlasë, rozës, portokallisë dhe blusë. Në verë përdornin dendur ngjyrat blu bezhë e kafe, këtë sezon do të duhet të guxojnë me trendin më të ri, jo vetëm në veshje, por edhe në këpucë dhe aksesorë.